Same informasjon, men i meir utskriftsvennleg PDF og med bilde.

Informasjon om:

Stiftelsen Alvhilds Minne til Værlandet`s vel

Stifta i 2005

Adresse: 6986 VÆRLANDET

Organisasjonsnummer: 989 086 383

Etter ynskje i testamentet til Alvhild Værøy, vart det oppretta ein offentleg stiftelse som arva alt ho etterlet seg ved hennar bortgong.

Askvoll kommune fekk oppdraget med å plukke ut styremedlemmar til stiftelsen «Alvhilds Minne til Værlandet`s vel».

Det skal vere 3-5 styremedlemmar i styret, og vervet er ikkje lønna.

Stiftelsen sitt føremål er:

- «å vidareutvikle Værlandet øysamfunn sitt miljø av ein kvar art, samt ivareta alt Alvhild Værøy etterlet seg på ein forsvarleg måte, og til det beste for ettertida.»

 

 

Stiftelsen sine vedtekter:

1. Stiftinga sitt navn er Stiftinga Alvhilds Minne til Værlandet`s vel

2. Stiftinga si adresse er 6986 Værlandet

3. Stiftinga sitt føremål er å vidareutvikle Værlandet øysamfunn sitt miljø av ein kvar art, samt ivareta alt Alvhild Værøy etterlet seg på ein forsvarleg måte og til det beste for framtida.

4. Av grunnkapitalen skal kr 100 000,- vere urørleg kapital.

5. Stiftinga skal ha eit styre på tre til fem medlemmar. Fleirtalet av styret sine medlemmar og styret sin leiar skal vere busett på Værlandet. Styret kan tilsette forretningsførar.

6. Av stiftinga si avkastning, her medrekna gevinst ved sal av fast eigedom, skal årleg minimum 10 % tilførast grunnkapitalen. Resten skal disponerast i samsvar med stiftinga sitt føremål.

Stiftelsen forvaltar:

• ca 1240 dekar med innmark og utmark

• eit bustadhus

• eit fjøs

• to naust

• + litt «pengar på bok»

Stiftelsen sitt arbeid

Stiftelsen er registrert som eit fond/legat som skal støtte sosiale formål. Styret i stiftelsen har valgt å gjere dette ved å støtte lag og organisasjonar økonomisk, eller ved å legge til rette for almenne interesser elles i Værlandet, bl.a. støttar opp om næringslivet i bygda. Stiftelsen støttar òg tiltak som bygdefolk i Værlandet og Bulandet har nytte av ilag :)

Ei oppklaring:

På grunn av navnet vert Stiftelsen ofte forveksla med velforeininga Værlandet Vel. Styret nyttar høvet til å presisere at Stiftelsen ikkje ligg inn under velforeininga.

Stiftelsen er rekneskaps- og revisjonspliktig, og er registrert i Lotteri-og Stiftelsestilsynet.

Er det nokon som ynskjer å sjå rekneskapen til Stiftelsen er det berre å ta kontakt med styret.

Ein del saker/tiltak som Stiftelsen har støtta sidan 2005:

• Gitt kr 3000,- som delfinansiering av myggfelle til Havbrisen Barnehage (eigar er Vidar Ungdomslag)

   

• Betalt kr 28568,- for nytt golvbelegg i matsalen i Værlandet Bedehuskapell

   

• Betalt kr 22796,- for nytt golvbelegg i kjøken/spisesal i Værlandet Gjesteheim (det gamle skulehuset som Værlandet Vel eig)

   

• Støtta Museumsnemnda (Værlandet Vel) med kr 20000,- til pålagt oppgradering av elektrisk-/sanitæranlegg i «Engelbua»

   

• Betalt kr 20500,- for innkjøp av grasklyppar til Parknemnda

   

• Løyvd kr 10000,- til det planlagde symjebassenget i Bulandet

   

• Løyvd kr 10000,- til eit bokprosjekt om øysamfunnet Alden, Værlandet og Bulandet (ikkje betalt ut pga at det ikkje er realisert enno)

   

• Betalt kr 7500,- til 10.kl ved Bulandet skule for riving av gamle gjerder og nedvask av «Alvhildhuset» til inntekt for skuletur (2006)

   

• Betalt kr 1000,- for maling utvendig på musèet «Engelbua» (eigar Værlandet Vel)

• Den nye gangvegen i Værøyhavna. Stiftelsen har gitt gratis strandlinje til den kommunale gangvegen. Gangvegen, som vart realisert sommaren 2010, knyter i hop den gamle og nye delen av havna. Den er berekna til både ferdsel og liggeplass for båtar. Denne nye «promenaden» har gitt Værøyhavna eit flott løft, og fører til betra vilkår for næringsverksemd, og betra trivsel i bygda!

   

• Stiftelsen var initiativtakar til ein grenseoppgong i sjøhusmiljøet i Værøyhavna og naustmiljøet i Nordnessundet. Eit veldig viktig arbeid, der grunneigarane hadde synfaringar i lag og vart einige!

   

• Gitt gratis tomt og fyllmasse til brannstasjonen på Værlandet

   

• Støtta med kr 10000,- til bokprosjektet «Jorunn i Alda»

   

• Støtta asfaltering av uteområdet ved Værlandet Bedehuskapell med kr 25000,-

   

• Støtta Rogavlnemnda med kr 10000,- (våren 2012)

   

• Teke initiativ og gitt areal til ein kombinert raste-og infoplass i krysset Landøy-Værøyhavna. Prosjektet «Kystarven» har finansiert tiltaket. Det skal òg komme opp eit busskur på området.

• Inntekter frå årleg juletresal fra utmarka går til lokale lag og organisasjonar som: Vidar Ungdomslag, Engelbua museum, Værlandet Bedehuskapell, Værlandet Vel, Forballgruppa Værl/Bul m.m.

Vi tek gjerne imot fleire søknadar om støtte til gode, lokale føremål!

Om ein vil søkje om støtte frå Stiftelsen: send ein skriftleg søknad med beskrivelse av tiltak, totalkostnad og kor mykje pengar ein søkjer om.

Søknaden skal sendast til:

Stiftelsen Alvhilds Minne til Værlandet`s vel

v/Elin Blom Vesterås

6986 Værlandet

Stiftelsen deltek i 2 større prosjekt på Værlandet:

• Er medstiftar med kr 20000,- i stiftelsen Norsk Sjøfuglsenter som skal drive eit infosenter i Værøyhavna i tilknytning til Værlandet Gjestehavn. Infosenteret opnar sommaren 2012.

• Er største aksjoner i selskapet Streten AS. Selskapet har 8 aksjonærar, og planlegg å bygge 7 «Havsuiter» oppå høgda Streten heilt nord i Værøyhavna. Desse skal leigast ut til turistar (næring). Værlandet Gjestehavn er tenkt å stå føre drifta av hotell-hyttene.

  Stiftelsen er inne med kr 20000,- i aksjar + areal (16,7 dekar) til ein verdi av kr 417500,- (arealet er ved emisjon gjort om til aksjar) Styret ynskjer med dette å hjelpe fram vidare næringsutvikling i øyane. Stiftelsen sitt totalareal får òg med dette ei betrakteleg verdiauke.

Stiftelsen sin eigedomar

«Alvhildhuset»

Prosjekt: «lys i huset heile året» -og det har vi jammen fått til! :-)

Istadanfor å selje huset for ein kortsiktig gevinst, vart det brukt ein god del pengar på oppgradering og klargjering for utleige i 2006. Same sommaren flytta det inn eit ungt par.

Planen vår for huset var å leige det ut som ein rimeleg prøvebolig for folk som lurte på om dei ville busette seg fast i øyane. Vi meinte at dette var eit positivt tiltak, som kunne føre til at folk etterkvart etablerte seg med eigen bolig her i øyane.

Huset har til no fungert slik vi hadde håpa. Det unge paret, som flytta inn sommaren 2006, flytta i april 2010 ut i frå «Alvhildhuset» og inn i sitt eige, splitters nye hus ute i Landøyna på Værlandet. Med seg på flyttelasset hadde dei 2 små born!

Berre ein månad etterpå flytta det inn eit nytt par frå Litauen (Det var reportasje om dette i mai 2010 på NRK, i både «Vestlandsrevyen» og «Norge i dag») Dei hadde 1 born når dei flytta inn, og no har dei auka til 4 stk :)

Dersom Stiftelsen sel huset, vert det kun gjort til fastbuande. For å sikre at huset på lenger sikt ikkje vert selt som fritidsbolig, vil Stiftelsen legge inn klausular om forkjøpsrett dersom den eventuelt nye huseigaren vil selge det.

Andre byggningar

Stiftelsen har ei sjøbu i Værøyhavna som skal fylgje huset vel salg.

Dei andre byggningane som Stiftelsen eig, fjøset ved «Alvhildhuset» og naustet i Nordnessundet, er desverre i so dårleg stand at dei må rivast.

Innmark, utmark, industriområde m.m.

• På innmarka har vi gitt løyve til beiting av både hestar og sauer. Ein del av innmarka vert òg «slåtta» og/eller beitepussa. Stiftelsen prøver med dette å bidra til at det vert bra stell på kulturlandskapet.

• På utmarka er det gjort ein avtale om beiting av sauer i området «Myrane» sør og vest for ungdomshuset på Værlandet. Der skal det brennast lyng og settast opp gjerder.

• Stiftelsen leiger ut hjorteløyver til lokale jegerar, og er med i Værlandet og Melværen Hjortevald som vart stifta i 2011. Denne inneheld ein lokal forvaltningsplan for øyane. Antalet dyr som skal takast ut frå stiftelsen sin eigedom vert bestemt kvart år etter denne forvaltningsplanen.

   

• Stiftelsen disponerer ein del av «Gangvegen» i Værøyhavna. Det er plass til 3 mindre båtar, og 2 av båtplassane er utleigde pr i dag.

  I tillegg leiger Stiftelsen ut 2 båtfester i Landøyna.

• Ein del av arealet som stiftelsen eig er eit opparbeidd industriområde i tilknytning til molo og kai i Værøyhavna. Det var Kystverket som laga dette til, og området er regulert til fiskerirelatert næring. Stiftelsen har teke kostnaden med grusing av området, og reparasjonar som har vore naudsynte etter uvèr. (Seinast denne vinteren då «Dagmar» herja 1.juledag 2011)

Hyttefelt i Nordnessundet

Det er utarbeidd ein reguleringsplan (som i mars d.å. vart sendt til kommunen for handsaming) med i alt 17 hyttetomter og tilhøyrande felles båtanlegg i Nordnessundet vest for Værøyhavna. Det er òg planar om badeplass og oppstillingsplass for bilar, bl.a. til bruk for nausteigarar i området og turgåarar. Stiftelsen har gjort avtale med Vestbygg AS om salg av hyttetomter, og har hatt samarbeid med byggfirmaet under planlegginga av prosjektet.

Dette er eit prosjekt som vi meiner er veldig positivt for øysamfunnet. I tillegg til at Stiftelsen får selje hyttetomter, og ha meir «å rutte med» når det gjeld å støtte opp økonomisk i bygda, vil det òg ha positive ringverknadar for det lokale arbeids- og næringslivet, på både kort og lang sikt :)

Styret i Stiftelsen pr april 2012

Elin Blom Vesterås, leiar og kasserar (tlf 57731100 el 97045003)

Astri Thorsen Landøy, skrivar

Rune Kalvøy

Maj Ytrøy Landøy

Per Vidar Nybø