Avskrift frå protokoll frå interimstyret  14. januar 1984.

Føremålsparagraf for Værlandet Vel

Værlandet Vel skal ha som føremål å arbeide med saker som kan fremje næringsliv, kultur, fritidsaktivitetar og tiltak elles som er til nytte og glede for bygdefolket.

Foreininga må også arbeide for å halde på, eventuelt betre dei samfunnsgoder bygda har.

Værlandet Vel skal være eit samordnande organ, som ivaretek tiltak av interesse,  anten ved eige intitiativ, eller ved saker som er oversende av organisasjonar eller lag.

Foreininga sitt avgjerande organ er allmøtet.

Vedtekter for Værlandet Vel

§1. Værlandet Vel er eit ope forum, der alle som er busette i bygda kan fremje saker. Lag/organisasjonar/institusjonar kan be om samarbeide med Velforeininga, eller Velforeininga kan søkje samarbeid med lag/organisasjonar/institusjonar.

§2. Værlandet Vel skal ha eit styre på 5 medlemmer, leiar, kasserar, sekretær, samt 2 styremedlemmer. Styret veljer nestleiar. Styret skal veljast av allmøtet. Det skal også veljast 2 vararepresentantar.

§3. Styret veljast for 2 år om gongen.

§4. Styret skal være samanset av 50/50% av kvart kjønn + - 1.

§5. Ved val på årsmøtet skal det veljast minst 2 nye styremedlemmer. Desse vert tekne ut ved loddtrekning.

§6. Alle over 14 år har røysterett. Born under denne alder har møte- og talerett.

§7. For kvart prosjekt Velforeininga skal arbeider med, kan det veljast eit utval. Arbeidsutvalet skal veljast av allmøtet.

§8. I dei saker det vert vald arbeidsutval, har dette ansvar for at prosjektet vert fullført. Eventuelt fråfall av medlemmar i utvalet skal erstattast med nytt medlem, vald av allmøtet.

§9. Arbeidsutvalet skal skrive referat frå sine møte, som sekretæren i styret protokollfører.

§10. Alle saker vert tekne opp og diskutert på allmøtet. Utvalget held styret underretta om arbeidet.

§ 11. Allmøtet skal kunngjerast 1 veke på førehand. Saker som skal gjerast vedtak i, skal vere med i kunngjeringa. Hastesaker er unntatt frå 1 vekes regelen.

§12 Vedtak kan fattast ved vanlig fleirtal. I saker som gjeld vedtektene for laget, krevst 2/3 fleirtal. Ved 2. gongs førehaving gjeld vanlig fleirtal.

§13. Søknader, brev o. l.til andre instansar skal underskrivast både av leiar i styret og leiar i eventuelt arbeidsutval.

§14. Allmøtet bør haldast 1 gong i månaden, og skal ha minst 6 møte i året. Møte bør haldast laurdag/søndag.