Protokoll frå årsmøte i Bulandet idrettslag (BIL).

Årsmøtet vart halde ved Bulandet skule den 17.03.11 kl. 17.00.

 

Sak 1. Godkjenning av stemmerett.

            7 personar møtte, av desse var 4 frå styret. Alle hadde stemmerett.

            Vedtak: 7 personar med stemmerett godkjent.

 

Sak 2. Godkjenning av innkalling og saksliste.

            Vedtak: Innkalling og saksliste godkjent.

 

Sak 3. Val av dirigent, sekretær og to representantar til å underskrive protokollen.

            Vedtak: dirigent: Eivind Norstrand, sekretær: Kari Helen Blikås, underskrive protokoll:

            Bill Steinsvik og Frank Hatlø.

 

Sak 4. Årsmelding for 2010.

            Gjennomgang av årsmelding v/leiar.

            Vedtak: Årsmelding for 2010 godkjent.

 

Sak 5. Rekneskap for 2010 i revidert stand.

            Gjennomgang av rekneskapet v/kasserar.

BIL har ein bra økonomi, til tross for nedgang i medlemstalet i 2010. Det er viktig å minne      
om medlemskontingent for born og vaksne som nyttar BIL sine aktivitetstilbod.

            Det har vore mindre inntekter frå kiosksal, to kampar vart avlyste då bortelag ikkje møtte.

            Vedtak: Rekneskap for 2010 med revisormelding godkjent. 

 

Sak 6. Innkomne forslag og saker.

Det kom ingen saker til styret innan frist 03.03.11. Styret la fram forslag om å arrangere         
Jonsok-cup med fotball kampar mellom ulike bedrifter, blanda lag m.v. i Bulandet og  
Værlandet. BIL vil sende ut invitasjonar i god tid. Cupen skal vere ein uformell og morosam   
happening for øyafolket, der vi vil oppfordre laga om å stille i arbeidskle, kostyme eller          
anna. Cupen skal vere moro for barn og vaksne, med premiering for beste innslag osv.

            Styret foreslår å leggje det til ein laurdag når elevar frå vidaregåande skule er heime,

forslag: laurdag 18. juni. Styret vil kontakte ungdomslaget om dei kan ha eit arrangement        
om kvelden.

 

Vedtak: BIL ynskjer å arrangere Jonsok-cup for Bulandet og Værlandet i juni-11. Styret skal           
jobbe vidare med planar og program for dette. Meir informasjon vil komme etterkvart.

 

Sak 7. Fastsette medlemskontingent.

            Styret la fram forslag om uendra medlemskontingent, med følgjande inndeling:

·        Born under 18 år (aktiv)                            kr. 100,-

·        Einsleg over 18 år (aktiv)                          kr. 150,-

·        Familiekontingent (utan aktive vaksne)       kr. 150,-

·        Familiekontingent (med aktive vaksne)       kr. 250,-

·        Støttemedlem (ikkje aktiv)                        kr. 100,-

 

            Vedtak: Forslag til medlemskontingent for 2011 einstemmig godkjent.

 

Sak 8. Budsjett for 2011.

            Gjennomgang av forslag til budsjett v/kasserar.

            Vi reknar med mindre inntekter og utgifter til fotballgruppa pga færre lag i serien i 2011.

            Planlagde investeringar i 2011: bua ved bana ferdigstillast med takstein og innreiing. 

            Vedtak: Forslag til budsjett for 2011 godkjent med mindre endringar.

 

Sak 9. Idrettslaget sin organisasjonsplan.

Organisasjonsplanen med endringar vart godkjent på årsmøtet 2010. Det har ikkje vore        
behov for endringar etter dette.

            Vedtak: Organisasjonsplanen til BIL er godkjent.

 

Sak 10. Val av:

            a) Styre (jf. organisasjonsplan)

            b) 2 revisorar

            c) Valkomite med leiar, to medlemmar og eit varamedlem til neste årsmøte.

            d) Representant(ar) til ting og møte i organisasjonar som idrettslaget er tilslutta.

 

            Valkomite v/leiar Oddlaug Norstrand la fram forslag til kandidatar.

            I styret er det leiar, nestleiar og sekretær som står på val i år.

 

            Forslag styre:

            Leiar:               Eivind Norstrand          (på val kvart år)

            Nestleiar:         William Rogne             på val i år med oddetal)

            Sekretær:         Kari Helen Blikås         (på val i år med oddetal)

            Kasserar:         Synnøve Melvær          (på val i år med partal)

            Styremedlem:   Randi F. Norheim        (på val i år med partal)

            1. vara: Sissel K. Steinsvik                   (på val i år med partal)

                       

            Forslag revisorar:     Reidun Melvær

                                               Asmund Melvær

 

            Forslag valkomite:    Oddlaug Norstrand (leiar)

                                               Sigbjørn Halsøy

                                               Anne Marie Graarud

                                               Sofie Vatnøy Fedøy (1.vara)

           

            Forslag representanter til ting og møte:

            Styret får fullmakt til å velje representant(ar) etter behov.

 

            Vedtak: Alle forslag einstemmig godkjent.

 

            Informasjon om badebasseng:

Bassengnemnda v/Frank Hatlø informerte om status for badebassenget. Det opprinnelege      
firmaet som skulle levere sandwich-materialet har gått konkurs. I nov-10 var det planar om å
starte opp eit nytt selskap i Polen, med nye eigarar og same patent. I jan/febr-11 fekk vi svar
om at det ikkje var mogeleg å få i gang produksjonen igjen. Ein har forsøkt å finne     
tilsvarande materiale utan resultat. Utenlandske leverandører oppfyller ikkje dei norske          
krava. Frank har sett på alternative måtar: rammeverk av stål, med isolering og plastplater      
rundt. Han skal i møte med kulturavdelinga i fylkeskommunen i april-11 om saka, der vi         
håpar at endringane kan godkjennast.

           

            Møtet heva kl. 18.55.                                                

           

            Kari Helen Blikås, sign.            Bill Steinsvik, sign.                   Frank Hatlø, sign.

            - referent                                 - repr.                                      - repr.