Fylkesveg 365 Værlandet - Bulandet

3. juli 2001 vart fyrste salven skoten på nyevegen. Det var Brødrene Herland som byrja arbeidet i
Myrvågen på Værlandet. Dei jobba med vegen der utover hausten.

I januar 2002, byrja Vassbakk & Stol arbeidet med å grava på Bulandssida. Dei byrja med å grava
på Langøyna. Etterpå jobba dei på Brattholmen og frå Gjørøy og innover. Kruse Betong starta
arbeidet med å forskala og støype brukara.

27. september kom nokre av bruene på lekter saman med ein krane frå Uglen.

29.september kom fyrste brua på plass. Det var brua over Brattholmsundet. Dagen etter kom brua
over Langøysundet opp. 1. oktober prøvde dei å få på plass eine brudelen over Olsundet på
Brattholmsida, men mislukkast etter fleire forsøk.

25.april fekk dei endelig på plass brudelen ved Brattholmen. Dagen etter kom brudelen til Olsundbrua
ved Langøyna på plass.

18.juni kom Uglen tilbake med kranen sin, og 20.juni fekk dei på bruendane over Indre Melværsundet.
Dagen etter kom Eidelift med kranen sin og 22.juni fekk dei to kranane i fellesskap opp bruendane over
Ytre Melværsundet. Dagen etter kom dei to midtstykka opp. 24. fekk dei ferdig Indre Melværsundbrua.

26.juni kunne dei endelig prøva på det tyngste løftet. Då skulle midtstykket på Olsundbrua opp. I strålande
sol og med masse småbåtar på plass, fekk dei på plass det 700 tonn tunge løftet.

13.oktober støypte dei siste delen av dekket på Indre Melværsundbrua, og byrja å asfaltera på Melvær.
19. byrjar dei asfaltera i Gjørøyna. 10.november byrjar dei å setja opp rekkverk langs vegen.

16.desember gjekk ferja siste turen i Bulandet, og dagen etter gjekk Høydalsfjord sin siste tur, samtidig
som nyevegen vart opna med stor fest i Gjørøyna. Ei ny tid har byrja.